自助餐不妨吃過份，但「打包」未免太貪心。近日一名任職自助餐餐廳侍應的網民投稿至Facebook專頁「西客之道 Hispitality Secret」，指遇到一名港人母親欲將自助餐食物偷偷「打包」，樓主禮貌勸阻後，該名懷疑母親「不甘受辱」，竟將食物逐一掉到地上要樓主清理，更刻意刁難他。
西客之道 Hispitality Secret Facebook 專頁截圖
樓主稱，事緣有一天，一家大小來吃自助餐，其間母親將不少餅乾放於枱面，以紙巾遮蓋，準備「打包」。樓主發現後即向母親報以微笑，示意看見，希望阻止對方。但母親依然明目張膽將食物放入袋，樓主只好上前「好聲好氣細細聲講食物唔可以拎走」，對方聞言「哦」了一聲。
突然，母親將一餅塊掉到地下，「吖，唔好意思，我唔小心跌咗𠻹」，樓主既無奈又憤怒，但仍忍耐，上前替她清理。隨後母親將已放進袋內的餅塊拿出，「分開一塊一塊咁『跌』落地」，樓主繼續強忍怒火將餅塊拾起，但對方竟然更將一整口雪糕「跌」落地下，但樓主依然面帶笑容替她清理。
清理完畢後，樓主詢問該母親有否其他需要，對方當時答：「暫時無需要」，不過當他離開，母親便立即舉手，分開逐樣向樓主索取水、紙巾、飲管等物品。最後離開餐廳時，母親更「好唔小心咁跌咗隻碟落地，隻碟咁就爛咗碎咗」。
樓主表示不介意該母親故意刁難，認為只是工作一部份，但他批評對方的行為不但會影響其他客人，更成為子女的壞榜樣，「你以為你好威咩？我戥你兩個仔女可悲可慘可憐咋！第時一定有樣學樣！」
其他網民一致批評事件中的母親行為過份，有人詢問「有無浪費食物要收錢呢一招？如果有cctv影住，見特登故意整跌隻碟可唔可以報警？」。
自助餐人人愛吃，不過要緊記遵守禮儀(網上圖片)
有網民大讚樓主EQ極高，亦有網民則認為樓主不應縱容該客人，認為應該立即請她離開，「咁樣你係寵壞佢做壞晒，以後佢會覺得偷嘢唔成仲可以發癲都係啱嘅」。
資料來源：星島日報、西客之道 Hispitality Secret Facebook 專頁
好工推介
職場熱話
- 1
- 2
-
deepseek 員工變國寶？傳核心員工唔准跳槽及出國！
TOP 1 -
消委會推可持續消費 提27個生活小貼士 做一件事每年慳300元？
TOP 2 -
馬航員工因車禍重傷請假4個月 被人踢爆病假期間爬樹玩藤球被炒 事後不滿告上法院
TOP 3 -
南韓15至29歲失業率攀升至7％ 每10名博士畢業生3人失業
TOP 4 -
返工屢遭上司情緒勒索及欺凌 打工仔離職後仍心有餘悸
TOP 5
-
各區民政署招聘選民登記助理及幹事 時薪分別為68.4及88元 另設額外津貼
TOP 6 -
迎接大灣區新機遇 與客戶共同書寫安心人生
TOP 7 -
修讀兩年免學費高等文憑並銜接大學課程 邁向建造業專業之路
TOP 8 -
返工掛住傾計被上司調位 男同事怒辭工作決定躺平
TOP 9 -
市道差 搵工難 打工仔應該點打呢場硬仗？
TOP 10
